MSC Bellissima në ditët e fundit në port

Data : 27-12-2018

Autori : Delinda Muçollari

MSC Bellissima është në ditët e fundit të pritjes përpara se në mars 2019, të presë shiritin dhe të niset në lundrimin e saj të pare në Mesdhe.Pravat në det u bënë në ujërat jashtë brigjeve të kantjerit Saint Nazaire, me më shumë se 400 vetë në bord midis teknikëve dhe inxhinierëve.

Qëllimi i sprovave të detit është të provojë funksionimin korrekt të të gjitha sistemeve në bord si dhe cilësitë detare të anijes, kalimin terminal të procesit të gjatë të prodhimit.Pasi përfunduan sprovat e detit, MSC Bellissima u ankorua në portin "Bassin de Penhoët", ku do të vazhdojnë planet e brendshme.

MSC Grandiosa, e para e këtyre anijeve të klasit Meraviglia plus, do të jetë gati në vjeshtë. MSC Virtuosa, e dyta e të njëjtit klas pritet në vitin 2020.MSC Bellisima, me cilësitë e klasit Meraviglia, ka një tonazh bruto prej rreth 167,600 ton dhe mund të strehojë deri në 5,700 të ftuar, kjo anije e re do të jetë më e madhja e MSC Cruises së bashku me të motrën Msc Meraviglia.

Komandën e Bellisimas kompania ia delegoi kapitenit Raffaele Pontecorvo, një shtetas i SantAgnello, pranë Sorrentos, Napoli, I cili ka vite eksperiencë në det dhe në Institutin Teknik Nautical Nino Bixio të Sorrentos. Pikërisht aty ku në periudha të ndryshme kanë studiuar Achille Lauro dhe Gianluigi Aponte, disa nga figurat e shquara të kompanisë. Ai u bashkua me kompaninë në vitin 1982, që nga vitet 2000 u transferua në anijet e pasagjerëve, duke marrë vite me radhë komandën e njësive të ndryshme duke përfshirë MSC Musica, MSC Splendida dhe në 2017 MSC Meraviglia.

Stafi i nivelit të lartë të MSC Bellissima kompletohet nga Drejtori i Makinerisë Antonio Iaccarino dhe Orazio Caci si Drejtor i Hotelit.

Siç është njoftuar në muajt e fundit, MSC Bellissima do të pagëzohet në qytetin e Southampton (Angli), më 2 mars 2019. Në një distancë prej 11 vitesh që nga pagëzimi i fundit në Britaninë e Madhe, në vitin 2008 pas MSC Poesia, për këtë ngjarje prania e pazëvendësueshme e Sophia Loren, si një kumbarë zyrtare, nuk mund të përjashtohet.

Ndër karakteristikat e veçanta s’mund të harrojmë praninë në bord të Cirque du Soleil në det.

Lajme të tjera Blog

MSC Cruises prezanton Rob, robotin humanoid si banakierin më të ri të MSC Virtuosa

MSC Starship Club është një përvojë unike futuriste gjithëpërfshirëse e kroçerës së re MSC Virtuosa

Banakieri i parë Robot Humanoid nga MSC Cruises, Rob, dhe koktejet e tij kozmikë do të jenë atraksioni i këtij bari dhe përvojës argëtuese unike

Kjo eksperiencë e re argëtuese, e frymëzuar nga vizioni i MSC Cruises për anijen kozmike të së ardhmes - MSC Starliner One është mundësuar nga teknologjitë më të fundit të krijuara për të krijuar një atmosferë futuriste. Ajo përfshin hologramë 3D, një ekran arti dixhital dhe një tryezë interaktive dixhitale 12-vendëshe, duke u dhënë mysafirëve mundësinë për të eksploruar hapësirën me turin e tyre galaktik të personalizuar.

Vazhdo

KROÇERA FALAS! PËR HERË ROYAL CARIBBEAN HAP DYERT PA ASNJË PAGESË!

Shumë fansa të kroçerave më kanë pyetur në vitet e fundit nëse do vinte dita kur kroçerat të ishin falas. Natyrisht u kam kthyer përgjigje shumë miqësore me shpjegimin që nuk ka “Free Lunch”. Dhe kështu supozohej të ishte. Deri më sot!

Është kompania më e madhe dhe popullore e kroçerave në botë, linja amerikane Royal Caribbean International, ajo që ka njoftuar se është në kërkim të vullnetarëve për të lundruar me anijer Royal në ishujt e Karaibeve. Këto do të jenë lundrimet e para që kompania do të realizojë në rikthimin e saj në det.

Royal Caribbean International tashmë ka një faqe në internet ku mund të kryhet regjistrimi dhe është KËTU dhe një faqe të dedikuar në Facebook që mund ta gjeni duke klikuar KËTU.

Vazhdo

"Safe Air" në kroçera - sistemi i ri i qarkullimit të ajrit

MSC Seashore do të jetë anija e parë e kroçerave me një teknologji tërësisht të re e të përparuar të qarkullimit të ajrit për të zvogëluar rrezikun e përhapjes së virusit Covid-19.

Ky është një hap i rëndësishëm përpara në angazhimin e vazhdueshëm të MSC Cruises për një industri që funksionon me prioritet shëndetin dhe sigurinë.

Vazhdo

10 gjërat që duhet të dish para se të nisesh me kroçerat Costa

Vëmendje për çdo pasagjer

Check in kryhet plotësisht online dhe është i mundur 72 orë para nisjes së udhëtimit. Për të tërhequr biletat tuaja të kroçerës duhet të plotësoni online formularin e shëndetit dhe të dhënat tuaja personale. Proçesi i check-in bëhet në një kohë më të gjatë për të evituar rradhën dhe për të respektuar distancën sociale. Në terminalin e imbarkimit do të kryhet matja e temperaturës nëpërmjet një ekrani inteligjent dhe do të kryhet test për Cocid-19 për secilin pasagjer.

Pushime Smart

Celulari juaj do të jetë asistenti juaj gjatë gjithë udhëtimit. Përdorni Costa App duke skanuar kodin QR dhe shijoni sigurinë e plotë dixhitale ndërsa lundroni me Costa Cruises. Në bord do të gjeni gjithashtu monitorë inteligjentë që do tju udhëzojnë për çdo event, orar dhe vendndodhje në anije. Madje mund t’i përdorni edhe për të rezervuar në restorant, spa, teatër etj.

Më shumë hapësirë për pushuesit

Numri i pasagjerëve në bord është reduktuar për të respektuar më lehtësisht distancën sociale e për të siguruar një lundrim të qetë e të kënaqshëm. Zonat e përbashkëta të relaksit janë rimodeluar me hapësira të reja për tu adaptuar me protokollin e ri të shëndetit. Në anije do të shihni njoftime për zonat më të populluara në bord në kohë reale.

Pushime po, siguri prapë po

Ashtu si në mjediset e tjera, edhe në bord duhen vënë maskat mbrojtëse. Kështu ju mbroni veten dhe bashkëudhëtarët e tjerë. Në çdo kënd e korridor të anijeve , do të gjeni xhelin dezinfektues. Po ashtu personeli i nënshtrohet vazhdimit kontrolleve dhe masave të larta të higjenës.

Vazhdo