Costa Venezia në prag inaugurimi

Data : 27-12-2018

Autori : Delinda Muçollari

Costa Venezia është në ‘provat gjenerale’ të saj në portin Monfalcone për tu sprovuar nga ujërat e Adriatikut dhe për të marrë konfirmimin final për tu lëshuar në det!Provat e detit janë të nevojshme për të testuar funksionimin korrekt të të gjitha sistemeve në bord, një fazë që paraprin përfundimin e ndërtimit në kantjer. Kur sprovat e detit të përfundojnë, do të jetë gati për debutimin e saj të planifikuar për në 1 mars, 2019 në qytetin e Triestes.Kjo anije e re dhe moderne është e para nga një seri anijesh të reja që do të bëhen pjesë e Grupit Costa deri më 2023, me një investim total të vlerësuar në 6 miliardë euro...

Siç e dinë shumë kroçeristë, Costa Venezia, është anija e parë Costa e projektuar dhe ndërtuar për të kënaqur tregun kinez të kroçerave, e gjatë 323 metra e gjerë 37 metra, me një tonazh bruto prej rreth 135.500 ton është në gjendje për të akomoduar mbi 5,100 mysafirë. Këto shifra e bëjnë atë anijen më të madhe italiane në tregun kinez.Tematika kryesore e arredimit të anijes është ajo veneciane, duke ftuar kështu mysafirët që të zbulojnë kulturën, mënyrën e jetesës, traditat italiane të artit dhe kulinarisë dhe detaje të kujtojnë qytetin e Venecias.Këto përfshijnë teatrin kryesor, i frymëzuar nga teatri venecian "La Fenice", ndërsa lobi kryesor do të emërohet natyrisht "Piazza San Marco" dhe restorantet do të pasqyrojnë arkitekturën tipike të rrugëve dhe ndërtesave veneciane me gondola të vërteta, bërë nga artizanët e Squero di San Trovaso.Detyra e kuzhinierëve në bord është që të ofrojnë për të ftuarit lindorë pjatat më të mira të kuzhinës italiane, ose të gjejnë në dyqanet e bordit shumë marka të famshme të "made in Italy", dhe në fund të shijojnë spektaklet italiane me artistë me famë ndërkombëtare.

Në të njëjtën kohë ata do të marrin frymë në ajrin e shtëpisë, në sajë të ofertës së një game të gjerë kuzhine kineze, karaoke në stil kinez dhe festa me tematikë.Lundrimi i gjatë i pozicionimit që do të çojë Costa Venezian në Kinë zgjat 53 ditë, në rrugën e gjurmuar kohë më parë nga tregtari i famshëm Marco Polo. Prej 18 majit 2019, në fakt, Costa Venezia do t'i kushtohet ekskluzivisht mysafirëve kinezë, duke ofruar kroçera në Azi me nisje nga Shanghai.Në javët e fundit kompania ka njoftuar se ceremonia e pagëzimit do të mbahet më 1 mars 2019 në qytetin e Triestes. Ngjarje si kjo janë në gjendje të tërheqin mbi 2000 mysafirë nga e gjithë bota dhe kryesisht nga Kina, Korea, Japonia, të cilët do të kenë mundësi për të zbuluar qytetin e bukur Julian dhe thesaret e tij artistike. Anija do të mbetet e ankoruar në qytetin Julian deri më 3 mars, ditën e nisjes së lundrimit të saj të parë. E vetmja gjë që mbetet është të presim për debutimin e kësaj anije të re me "C" -në e madh në bashë të saj në mars 2019.

Lajme të tjera Blog

MSC Cruises prezanton Rob, robotin humanoid si banakierin më të ri të MSC Virtuosa

MSC Starship Club është një përvojë unike futuriste gjithëpërfshirëse e kroçerës së re MSC Virtuosa

Banakieri i parë Robot Humanoid nga MSC Cruises, Rob, dhe koktejet e tij kozmikë do të jenë atraksioni i këtij bari dhe përvojës argëtuese unike

Kjo eksperiencë e re argëtuese, e frymëzuar nga vizioni i MSC Cruises për anijen kozmike të së ardhmes - MSC Starliner One është mundësuar nga teknologjitë më të fundit të krijuara për të krijuar një atmosferë futuriste. Ajo përfshin hologramë 3D, një ekran arti dixhital dhe një tryezë interaktive dixhitale 12-vendëshe, duke u dhënë mysafirëve mundësinë për të eksploruar hapësirën me turin e tyre galaktik të personalizuar.

Vazhdo

KROÇERA FALAS! PËR HERË ROYAL CARIBBEAN HAP DYERT PA ASNJË PAGESË!

Shumë fansa të kroçerave më kanë pyetur në vitet e fundit nëse do vinte dita kur kroçerat të ishin falas. Natyrisht u kam kthyer përgjigje shumë miqësore me shpjegimin që nuk ka “Free Lunch”. Dhe kështu supozohej të ishte. Deri më sot!

Është kompania më e madhe dhe popullore e kroçerave në botë, linja amerikane Royal Caribbean International, ajo që ka njoftuar se është në kërkim të vullnetarëve për të lundruar me anijer Royal në ishujt e Karaibeve. Këto do të jenë lundrimet e para që kompania do të realizojë në rikthimin e saj në det.

Royal Caribbean International tashmë ka një faqe në internet ku mund të kryhet regjistrimi dhe është KËTU dhe një faqe të dedikuar në Facebook që mund ta gjeni duke klikuar KËTU.

Vazhdo

"Safe Air" në kroçera - sistemi i ri i qarkullimit të ajrit

MSC Seashore do të jetë anija e parë e kroçerave me një teknologji tërësisht të re e të përparuar të qarkullimit të ajrit për të zvogëluar rrezikun e përhapjes së virusit Covid-19.

Ky është një hap i rëndësishëm përpara në angazhimin e vazhdueshëm të MSC Cruises për një industri që funksionon me prioritet shëndetin dhe sigurinë.

Vazhdo

10 gjërat që duhet të dish para se të nisesh me kroçerat Costa

Vëmendje për çdo pasagjer

Check in kryhet plotësisht online dhe është i mundur 72 orë para nisjes së udhëtimit. Për të tërhequr biletat tuaja të kroçerës duhet të plotësoni online formularin e shëndetit dhe të dhënat tuaja personale. Proçesi i check-in bëhet në një kohë më të gjatë për të evituar rradhën dhe për të respektuar distancën sociale. Në terminalin e imbarkimit do të kryhet matja e temperaturës nëpërmjet një ekrani inteligjent dhe do të kryhet test për Cocid-19 për secilin pasagjer.

Pushime Smart

Celulari juaj do të jetë asistenti juaj gjatë gjithë udhëtimit. Përdorni Costa App duke skanuar kodin QR dhe shijoni sigurinë e plotë dixhitale ndërsa lundroni me Costa Cruises. Në bord do të gjeni gjithashtu monitorë inteligjentë që do tju udhëzojnë për çdo event, orar dhe vendndodhje në anije. Madje mund t’i përdorni edhe për të rezervuar në restorant, spa, teatër etj.

Më shumë hapësirë për pushuesit

Numri i pasagjerëve në bord është reduktuar për të respektuar më lehtësisht distancën sociale e për të siguruar një lundrim të qetë e të kënaqshëm. Zonat e përbashkëta të relaksit janë rimodeluar me hapësira të reja për tu adaptuar me protokollin e ri të shëndetit. Në anije do të shihni njoftime për zonat më të populluara në bord në kohë reale.

Pushime po, siguri prapë po

Ashtu si në mjediset e tjera, edhe në bord duhen vënë maskat mbrojtëse. Kështu ju mbroni veten dhe bashkëudhëtarët e tjerë. Në çdo kënd e korridor të anijeve , do të gjeni xhelin dezinfektues. Po ashtu personeli i nënshtrohet vazhdimit kontrolleve dhe masave të larta të higjenës.

Vazhdo