VALETA

Momenti i ankorimit në Valeta, Maltë, është si të hysh në një përrallë fantasike si ato të Tolkienit; të duket se qytetërimi modern është zhdukur. Mund të ndodhë të shihni një makinë ose dy në rrugët dredha-dredha në mes të kullave, kështjellave, përveç asaj do të shihni vetëm këmbësorë.Malta, e cila ka një histori 7,000 vjeçare, është plotësisht e modernizuar dhe bashkëkohore. Ajo që sheh kur hyn në portin e Valetës janë kullat e mrekullueshme mbrojtëse prej guri të fortë të vendosura në pika strategjike. Malta ka qenë e banuar që nga viti 5000 para Krishtit dhe u kolonizua nga Fenikasit në 1000 p.e.s. Më pas ishujt iu kthyen grekëve, kartagjenasve, romakëve, bizantinëve, arabëve, normanëve dhe spanjollëve, të cilët ia deleguan Kalorësve të Shën Gjonit në 1533; Kjo zgjati deri sa Napoleoni vendosi kontrollin në 1798. Maltezët nuk e pranuan regjimin francez dhe u rebeluan duke kërkuar ndihmë nga Britania; Malta u bë një protektorat britanik në 1800 dhe pjesë e Perandorisë Britanike në 1814. Më vonë, fitoi pavarësinë e vet në vitin 1964. Që nga viti 1974 Malta është një republikë në kuadër të Commonwealthit britanik.